Velkomen tilLivElida på ByrsteBøen

Liv Elida var ei varm og omsorgsfull dame. Ho laga det gode måltidet med den gode stemninga. Alle som kom på besøk kjende seg velkomne og kosa seg i lag. Det er i LivElida si ånd vi lagar det gode måltidet.

Byrste-Bøen ligg  Bjørkedalen, i Volda kommune. Her vil vi ta imot gjestar, til dømes bedrifter og venelag som ynskjer ei matoppleving litt utanom det vanlege. Vi tek imot Dykk heime i vår eiga stove. Som Liv Elida og Karl er vi, Wenche og Karl Anders, glade i folk. Vi blir glade og får energi av å fylle huset med  feststemde mennesker.

I stova har vi plass til 30-40 personar, og med rustikk stil i lyse omgjevnadar trur vi De som gjestar vil få ei harmonisk oppleving. Når våren kjem, riggar vi opp vikingbordet på 5,5 m ute ved utepeisen på tunet vårt. Då er det høve å sitte ute til langt på natt, og til langt ut på hausten. Rundt bordet er det plass til 20, men vi strekkjer oss til fleire om veirgudane er på vår side.

I tillegg til maten vil Karl Anders, i tråd med faren Karl si rolle i barndomsheimen, fortelje gode historier. Dette er ein del av "pakken" og er inkludert i prisen.

Om veret og sko tillet det, kan vi og ta Dykk med på ei kulturvandring  langs den gamle vassveita knytt til oppgangssaga som ein gong stod her. No er det berre murane att.

Frå Byrste-Bøen  har vi flott utsikt mot dei mektige fjella i den sørlege delen av bygda vår.

 

                               

---